EURES, vinnumiðlun Evrópska efnahagssvæðisins, stendur fyrir kynningu á störfum og atvinnutækifærum í Noregi mánudaginn 23. mars frá klukkan 15:00 til 20:00 á jarðhæð Centerhotel Plaza við Aðalstræti (hótelið blasir við frá Ingólfstorgi). Fulltrúar EURES í Noregi verða á staðnum ásamt fulltrúum sjö norskra fyrirtækja og eins sveitarfélags.
Þessar kynningar hafa verið haldnar reglulega á Íslandi síðustu ár og er óhætt að mæla með þeim fyrir áhugasama og ekki síður þótt fólk hafi engin ákveðin störf í huga. Upplagt er að ræða við norsku EURES-fulltrúana á almennum nótum en þeir búa yfir nákvæmum upplýsingum um stöðuna á norskum vinnumarkaði og geta gefið hagnýt ráð um atvinnuástandið í ólíkum hlutum og fylkjum Noregs.
Það kostar ekkert að kíkja á starfakynninguna, nánari upplýsingar hér.
