Óheppnin eltir marga og þá fer það nú oft þannig að yfirvaldið stoppar mann á rétt rúmlega hámarkshraða og gjarnan fylgir þá sekt ef ekki enn þá strangari refsing.

Á Facebook hefur oft verið rætt um að sektir séu tekjutengdar og séu að lágmarki 2.000 NOK og fleiri mýtur en staðreyndin er önnur. Hraðasektir í Noregi eru ekki tekjutengdar nema ef um er að ræða mál sem fer fyrir dóm en aftur á móti eru sektir vegna ölvunaraksturs tekjutengdar.

Hraðasektir í Noregi eru lægstar 600 NOK og hæstar 9.000 NOK. Nemi sekt ökumanns meira en hámarkinu missir viðkomandi prófið og við verulega alvarleg brot getur maður átt á hættu að vera dæmdur í fangelsi. Missi ökumaður prófið í meira en 6 mánuði þarf að taka verklega prófið aftur og í sumum tilfellum það skriflega.

Taxtinn 1. janúar 2015 fyrir hraðasektir er þessi:

hradasektir2015

Ef maður er óheppin(n) og missir prófið verður maður að sækja um að fá skírteinið til baka frá Statens vegvesen, sjá nánari upplýsingar hér: Statens Vegvesen – Tilbakelevering førerkort.

Að lokum hvetjum við alla til að halda sig innan hraðatakmarkana og vera örugga úti í umferðinni þótt reynt geti á þolinmæðina í norskri umferð.